Шимолий Корея Австралияга ядровий қурол қўллаш билан таҳдид қилди. Бу ҳақда КХДР ташқи ишлар вазирлиги вакили маълум қилди, дея хабар беради «РИА Новости».
ABC телеканалига кўра, мазкур баёнот Шимолий Корея ядро дастури Австралия учун «жиддий хавф» эканлигини билдирган мамлакат ташқи ишлар вазири Жули Бишопнинг интервьюсига жавоб бўлди. Бишоп Австралияга зарба берилишини ҳам истисно этмади.
«Австралия ҳукумати АҚШ тутган йўлдан кўр-кўрона эргашмоқда. Агар Австралия Америка каби КХДРни яккалаш ва босим ўтказишга уринса, бу Шимолий Корея стратегик кучлари ядро зарбаси таъсир ҳудудига тушиш билан якунланади», — таъкидлади КХДР ТИВ вакили.
Изоҳ (0)