Ўзбекистон Соғлиқни сақлаш вазирлиги, «Соғлом авлод учун» халқаро хайрия фонди ҳамда Германиянинг Friedensdorf International халқаро ташкилоти ўртасида тузилган ҳамкорлик келишувига асосан Андижон вилояти кўп тармоқли болалар тиббиёт марказида тиббий кўрик бўлиб ўтди, дея хабар берди ЎзА.
Қорақалпоғистон Республикаси, барча вилоятлар ва Тошкент шаҳрида 4—12 апрель кунлари ўтказиладиган тиббий кўрик натижаларига кўра, оғир деб топилган бемор болалар жорий йилнинг август ойида Германиянинг нуфузли клиникаларида даволаниш учун 6 ойдан 3 йилгача муддатга юборилади.
Тиббий кўрикда хорижлик шифокорлар билан бирга, Ўзбекистон мутахассислари ҳам иштирок этди. Тиббий текширувлар Германиядан келтирилган тиббий жиҳоз ва ускуналар ёрдамида олиб борилгани кўрикнинг янада самарали бўлишини таъминлади.
«Кўриклар якунида 5 болага Германияга бориб даволаниши учун хулоса берилди», — дейилади ЎзА ахборотида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)