Юнусобод туманида электр таъминотида узилишлар юз берди. Бу ҳақда «Дарё» интернет-нашри мобил мухбирлари, шунингдек, ижтимоий тармоқларнинг фойдаланувчилари маълум қилди.
https://twitter.com/A_Fayzullayev/status/849659922124066817
Фойдаланувчиларнинг маълум қилишича, «Универсам» бекати яқинидаги подстанцияда ёнғин келиб чиққан. Туманнинг айрим ҳудудларида бир неча соатдан бери чироқ йўқлиги айтилмоқда.
«Ҳозирги вақтда одамлар ишлаяпти, вазиятни тартибга келтиришяпти. Сабр қилиб, кутиб турайлик, ихтисослаштирилган хизматлар қўлларидан келганини қилмоқда», — деб ёзган фойдаланувчилардан бири.
Айни вақтда Юнусободнинг баъзи ҳудудларида электр таъминоти қайта тиклангани айтилмоқда.
«Qalampir.uz»нинг Тошкент шаҳар ёнғин хавфсизлиги бошқармасига асосланиб хабар беришича, Юнусобод туманида жойлашган туман электр подстанциясидан трансформатор 14:34 ёниб кетган, 14:40 да ўт ўчириш машиналар воқеа жойига етиб келган. 14:56 да олов ўчирилгани айтилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)