Верхний Тагилдаги корхонада содир бўлган портлаш ва ёнғин оқибатида ўзбекистонлик фуқаро ҳалок бўлди, яна бири жароҳат олди. Бу ҳақда Свердловск вилояти прокурорининг катта ёрдамчиси Марина Канатова маълум қилди, деб ёзади «РИА Новости».
ФВВнинг Свердловск вилояти бош бошқармасининг маълум қилишича, 2 апрель куни кеч тунда Верхний Тагил корхоналаридан бирининг бир қаватли цех биносида ёнғин келиб чиққан. Дастлабки маълумотларга кўра, ёнғин металл эритиш учун мўлжалланган қозоннинг портлаши оқибатида келиб чиққан.
Оқибатда бир ишчи ҳалок бўлган, уч нафари жабрланган. Фавқулодда ҳолат бўйича жиноят иши қўзғатилган.
Ҳалок бўлган ва жароҳатланганлардан бири Ўзбекистон фуқароларидир. Қолганлар маҳаллий аҳоли вакиллари.Вилоят прокуратураси маълумотларига кўра, ҳодиса «Урал қўрғошин компанияси» МЧЖнинг ишлаб чиқариш ҳудудида юз берган. Ҳодиса оқибатида ҳалок бўлган (1993 йилда туғилган) ўзбекистонлик ташкилотда меҳнат шартномаси асосида ишлаган. Жабрланганлар — 1986, 1995 ва 1979 йилда туғилган шахслардир.Марина Канатова, Свердловск вилояти прокурорининг катта ёрдамчиси
Изоҳ (0)