Бухоролик Жамшид Шодиев ва Нигора Ботировалар оиласида уч эгизак ўғил дунёга келди. «Новости Узбекистана» нашри хабарига кўра, 28 март куни туғилган чақалоқларга ота-она Шавкат, Миромон ва Мирзиё дея исм қўйган, уларнинг аҳволи барқарор.

Foto: “Novosti Uzbekistana”

Фото: «Новости Узбекистана»

Жамшид ва Нигора 2014 йилда оила қурган, бир йилдан сўнг уларнинг қизи — Райҳон туғилган эди.

Туғуруқхонага оғир аҳволда олиб келинган эдим. Шифокорлар икки кун давомида қўлларидан келган барча ёрдамни кўрсатишди, бироқ охири кесарча кесиш йўлидан фойдаланишга қарор қилинди. Ҳозир ҳаммаси яхши, қутловларни қабул қиляпман. Вилоят ҳокими ҳам табриклади. Уч ўринли аравача ва гуллар совға қилди.

Нигора Ботирва, уч эгизак — Шавкат, Миромон ва Мирзиёнинг онаси

«Новости Узбекистана»нинг ёзишича, бу Бухорода туғилган уч эгизакларга мамлакат Президенти шарафига исм қўйиш бўйича биринчи ҳолат эмас. 1990 йилларнинг ўрталарида вилоятда Ислом, Абдуғани ва Карим ҳам дунёга келган эди.

Туғуруқхона шифокори Меҳринисо Муҳамедованинг сўзларига кўра, Бухорода уч эгизакларнинг туғилиши йилдан йилга кўпаймоқда. 2015 йили перинатал марказда уч эгизак туғилиши билан боғлиқ тўрт ҳолат қайд этилган бўлса, 2016 йилда бешта, 2017 йилнинг дастлабки уч ойида эса учта ҳолат қайд этилди.

«Дарё»нинг Telegram’даги расмий канали — @toshqindaryo’га аъзо бўлинг!