АҚШда 100 ёшли эркакнинг собиқ иш берувчиси унинг туғилган кунида аввалги ишида 1 кун ишлаб кетиши учун қўнғироқ қилиб чақирди. Бу ҳақда Associated Press агентлиги хабар бермоқда.
Уч йил аввал Нью-Жерси штатида истиқомат қилувчи Билл Хансен кондиционер ва иситиш тизимини ўрнатиш билан шуғулланувчи Hutchinson Plumbing, Heating and Cooling компаниясида қувур ўрнатувчи бўлиб ишлаган эди.
Пенсионер ишсиз ўтиришни ёмон кўрганини айтди. 32 йил давомида битта компанияда фаолият юритган 100 ёшли эркак собиқ иш жойига қайтишни орзу қилганди.
Хансен 100 ёшга тўлганида компания раҳбари Фред Хатчинсон унинг орзусини рўёбга чиқарди. Кекса эркак Hutchinson Plumbing, Heating and Cooling компаниясига чақирилди, директор унга кун давомида бажарилиши керак бўлган ишлар рўйхатини тузиб берди, унинг собиқ ҳамкасблари эса юбилярни туғилган куни билан табриклади.Билл Хансен бир кун давомида ишлагани учун расмий иш ҳақи – 1 доллар ишлаб олди.
«Дарё»нинг Telegram’даги расмий канали — @toshqindaryo’га аъзо бўлинг!