Ўзбекистонда аҳолининг сифатли ва арзон дори воситаларига бўлган эҳтиёжини қондириш мақсадида чекка туманларда фаолият юритувчи кўчма дорихоналар ташкил этилган. Бу ҳақда Соғлиқни сақлаш вазирлиги ахборот хизмати маълум қилди.
«Дори-Дармон» акциядорлик компаниясининг махсус жиҳозланган Isuzu русумли изотермик автофургонларида 14 та кўчма дорихона фаолияти йўлга қўйилган. Бундан ташқари, Damas русумли автомашиналарда қўшимча равишда яна 100 та кўчма дорихона ташкил этилган.
Уларнинг фаолияти сарҳисоб қилинганда, биргина 2016 йилда компания тизимидаги кўчма дорихоналар орқали аҳолига жами 7,6 миллиард сўмлик савдо хизмати кўрсатилгани маълум бўлди.
Чекка ҳудудлардаги аҳолини дори-дармон билан таъминлашни янада яхшилаш мақсадида 2017 йилда Damas автомашиналарида қўшимча 40 та кўчма дорихона ташкил этиб, бундай дорихоналар сонини 154 тага етказиш кўзда тутилмоқда.
Изоҳ (0)