Самвел Бабаян устозлик қилаётган футбол бўйича Ўзбекистон терма жамоаси такрорий ўйинда ҳам Қатарни мағлуб этиб, очколари сонини 12 тага етказиб олди.
Ўзбекистон термаси саралашнинг 4 та ўйинида зафар қучди: Сурия (1:0), Қатар (1:0), Хитой (2:0) ва Қатар (1:0). Ва яна 3 тасида имкониятни бой берди: Эрон (0:1), Жанубий Корея (1:2) ва Сурия (0:1). Шу тариқа Ўзбекистон 12 очко жамғарди ва бу борада гуруҳнинг учинчи жамоаси бўлиб турибди.
Маълумот учун, ўз гуруҳида 3-ўринни қўлга киритган терма жамоаларда ҳам ЖЧ учун курашни давом эттириш имконияти бўлади. Бунинг учун «B» гуруҳидаги учинчи термани мағлуб этиш, кейин эса қитъалараро плей-оффдан бутун чиқиш керак бўлади. Самвел Бабаян жамоасида дастлабки икки йўлланмадан бирини қўлга киритиш имконияти сақланиб турибди.
Ўзбекистонликлар навбатдаги уч турда Эрон ва Хитойда меҳмон бўлади. Тошкентга эса Жанубий Корея термаси ташриф буюради.
ЖЧ—2018. Осиё «А» гуруҳи. 7-тур 28 март, сешанба
Ўзбекистон — Қатар 1:0
Гол: Одил Аҳмедов, 65 (1:0).Ўзбекистон —Александр Лобанов — Даврон Ҳошимов, Анзур Исмоилов, Егор Кримес, Александр Мерзляков, Азиз Ҳайдаров, Одил Аҳмедов, Элдор Шомуродов, Сервер Жепаров (Вадим Афонин, 81), Сардор Рашидов (Марат Бикмаев, 60), Игорь Сергеев (Темурхўжа Абдухолиқов, 86).
Изоҳ (0)