Москванинг Домодедово аэропортида божхона ходимлари Ўзбекистон фуқаросидан 15 та маймун боласини мусодара қилди, деб ёзади «Газета.ru».
Аниқлик киритилишича, жониворлар Вьетнамдан етиб келган аёлнинг юкларини божхона назоратидан ўтказиш вақтида топилган. Аёл маймунларни ўз танишининг илтимоси билан олиб келганини, таниши уни кутиб олиши керак бўлганини айтди.
Ҳайвонларни Москва табиатдан фойдаланиш ва атроф-муҳитни муҳофаза қилиш департаментининг ёввойи ҳайвонларни сақлаш марказига олиб кетишди. Улар ҳозирча карантинда сақланиши маълум қилинди.
Изоҳ (0)