Наманган вилоятида Наврўз байрамига бағишланган халқ сайллари қўшни Қирғизистон билан чегарадош Янгиқўрғон туманидан бошланди. Бу ҳақда туман ҳокимлиги ахборот хизмати хабар бермоқда.
Аҳолига Наврўз сайлида қулайлик яратиш мақсадида туман маркази автомобиллардан ҳоли ҳудудга айлантирилди. Кўчаларда байрам савдо ярмаркалари ташкил этилди.
Янгиқўрғон сув омборидаги оролчага туман ҳудудидаги маҳаллаллар маслаҳатчилари, жамоат ташкилотлари ходимлари, турли миллат вакиллари таклиф этилди. Улар иштирокидаги миллий ўйинлар, Наврўз тароналари кечгача давом этди.
Шаҳарчадаги маданият ва истироҳат боғи ҳам сайл иштирокчилари билан гавжум бўлди. Боғда маҳалла фуқаролар йиғинлари, ўқув юртлари томонидан ўзига хос павилонлар барпо этилди. Дошқозонларда сумалак қайнади, моҳир ошпазлар томонидан тайёрланган палов сайл қатнашчиларига тарқатилди.
Таниқли журналист Аҳмаджон Мелибоев, шоира Мунаввара Усмонова, Ўзбекистонда хизмат кўрсатган артист Муножот Тешабоева, хонандалар Малика Эгамбердиева, Бекзод Баҳромов, Роҳила Рўзиеванинг чиқишлари янгиқўғонликларга байрам кайфияти улашди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)