АҚШнинг ESTI компанияси ўзининг биринчи маҳсулоти — EYE iPhone учун «ақлли» ғилофни тақдим этди. Ғилоф сенсорли экранга ва Android 7.1 операцион тизими ўрнатилган электрон схемага эга. Янги қурилма iPhone’нинг товуш чиқариш қурилмаси, камераси ва микрофонидан фойдаланиши мумкин, бироқ унинг ўзи алоҳида смартфон ҳисобланади. Бу ҳақда TJournal хабар берди.
ESTI компаниясининг маълум қилишича, EYE иккита SIM-картага ва 256 Гб хотирага эга бўлади. Шунингдек, смартфон симсиз қувватлаш модули ва уй жиҳозларини (телевизор, кондиционер) бошқариш учун ИК-порт тизимини ўз ичига олади. Ғилофнинг чакана савдо нархи 4G модулининг бор ёки йўқлигига қараб 189 доллардан 229 долларгача бўлади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)