Хитойда автобуснинг одамлар тўдасига урилиши оқибатида 4 киши ҳалок бўлди

Хитойнинг Шандун провинциясида автобуснинг одамлар тўдасига урилиши оқибатида тўрт киши ҳалок бўлди, 19 киши яраланди. Бу ҳақда 14 март, сешанба куни  «Синьхуа» агентлиги маълум қилди, деб ёзади «РИА Новости».

Ҳодиса Цинчжоу шаҳар округида юз берди. Автобус йўл ёқасида жойлашган савдо дўкончалари яқинидаги одамларга урилганлиги маълум қилинмоқда.

Ҳодиса оқибатида 23 киши жабрланди, кейинроқ улардан тўрт нафари ҳалок бўлди. Жабрланганлардан беш нафарининг аҳволи оғир эканлиги қайд этилди.

Авария сабаблари аниқланмоқда. Ҳодиса юзасидан суриштирув олиб борилмоқда.