Telegram қўнғироқлар функциясини синовдан ўтказишни бошлади

Telegram мессенжери аудиоқўнғироқлар функциясини синовдан ўтказишни бошлади. Бу ҳақда Telegram info канали (@tginfo)да хабар берилди.

Таъкидланишича, қўнғироқлар end-to-end шифр билан ҳимояланган. «Сизга қўнғироқ қилиши мумкин бўлган контактлар рўйхатини чеклаш ёки бутунлай тақиқлаш мумкин», — дейилади хабарда.

Функцияни мессенжернинг бета-версиясини ўрнатган истаган киши синаб кўриши мумкин. Канал, шунингдек, қўнғироқни амалга оширишга қарор қилганлар учун йўриқномани эълон қилди. Унда айтилишича, буни ҳозирча фақат махсус серверда амалга ошириш мумкин, бунинг учун қайта рўйхатдан ўтиш керак бўлади.