Самарқанд вилояти ҳокими Ҳиммат Оқбўтаев 12 март, якшанба куни ишчи ташриф билан Татаристонга келди. «Қозон» халқаро аэропортида уни республика бош вазири Ильдар Холиқов кутиб олди, дея хабар беради «Газета.uz».
Ҳиммат Оқбўтаев «Энергетика. Ресурсларни асраш» XVIII халқаро кўргазмаси очилишида иштирок этади. Татаристон Савдо-саноат палатасида Самарқанд вилояти иқтисодий салоҳияти тақдимотини ўтказади.
Вилоят ҳокимининг «Алабуга» махсус иқтисодий зонаси, «КАМАЗ» автомобиль заводи, «Эйдос» тиббий фанлар маркази, «Қозон» агросаноат парки, ИТ-парк технопарки ва «Иннополис» фан шаҳарчасида бўлиши режалаштирилган.
14 март, сешанба куни Ҳиммат Оқбўтаевнинг Татаристон президенти Рустам Минниханов билан учрашуви кўзда тутилган. Томонлар минтақалараро ҳамкорликни ривожлантириш истиқболларини муҳокама қилади.
Изоҳ (0)