«Ангрен» эркин иқтисодий зонасида саноат учун мўлжалланган металл конструкцияларни ишлаб чиқариш бўйича корхона ташкил қилинади, деб ёзади UzDaily.
«Ангрен» ЭИЗ дирекцияси Туркиянинг DAL Teknik Makina Ticaret Ve Sanayi Anonim Sirketi компанияси билан ҳамжиҳатлик тўғрисидаги меморандумни имзолади, унга кўра, «Ангрен» ЭИЗ ҳудудида жами инвестиция суммасининг дастлабки қиймати 10 миллион долларга тенг бўлган саноат учун мўлжалланган металл конструкцияларни ишлаб чиқарувчи корхона ташкил этилади.
Лойиҳа ЭИЗнинг Оҳангарон блокида амалга оширилади. Корхонанинг умумий майдони 6 гектарни ташкил қилади.
Айни пайтда лойиҳа ташаббусчилари томонидан ЭИЗ Маъмурий кенгаши аъзоларига тақдим этиш учун ҳужжатлар пакети тайёрланмоқда.
Лойиҳани 2017 йил охиригача якунлаш режалаштирилмоқда.
Изоҳ (0)