Туркия ташқи ишлар вазири Мавлут Чавушўғли агар Европа Иттифоқи Туркия фуқаролари учун виза тартибини эркинлаштириш ҳақидаги ваъдасини бажармаса, Иттифоқ билан муҳожирлар масаласидаги келишув бекор қилиниши мумкинлигини маълум қилди. Бу ҳақда «Коммерсантъ» хабар берди.
Вазирнинг хабар беришича, Анқара Брюсселга ҳужжатнинг сўнгги матнини юборишни режалаштирмоқда.
«Ҳужжат матни ё тўлиқ бажарилади, ё умуман бекор қилинади, шу жумладан, виза тартибини эркинлаштириш ва муҳожирлар бўйича келишув ҳам», — дейди вазир ўз баёнотида.
Ноябрь ойида Туркия президенти Ражаб Тойиб Эрдўғон Шанхай ҳамкорлик ташкилотига қўшилиш Европа Иттифоқи аъзолигининг ўрнини босувчи йўл эканлигини маълум қилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)