АҚШ президентининг миллий хавфсизлик бўйича собиқ маслаҳатчиси Майкл Флинн ўзи томонидан имзоланган Туркия расмийлари манфаатларини илгари суриш бўйича шартнома доирасида Фатҳуллоҳ Гулен ҳақида маълумотлар тўплаган. Бу ҳақда The New York Times нашрига таяниб, «Коммерсант.ru» хабар бермоқда.
Майкл Флинн бу хизматларни ўтган йили Туркиядаги сайлов кампанияси давомида кўрсатган ва бунинг учун 500 минг доллар ҳақ олган.
Оқ уй матбуот котиби Шон Спайсер АҚШ президенти Дональд Трамп мазкур хизматлар кўрсатилган пайтда хусусий шахс бўлган Флиннинг ушбу фаолиятидан хабардор бўлганини билдирди.
«Хусусий шахс сифатида қонуний операцияларда иштирок этиш мумкин. Тегишли ҳужжатлар имзоланган бўлса, бунинг ножўя ери йўқ», — дея таъкидлади Спайсер.
Бироқ бундай муносабатга ўтган йил кузида ҳам Майкл Флиннинг Туркия расмийлари манфаатларини илгари суриши масаласини кўтарган демократлар қарши чиқмоқда.
Флиннинг Москвада Russia Today телеканалига бағишланган тантанали тадбирдаги чиқиши учун 40 минг доллар олгани ҳам демократлар эътирозига сабаб бўлди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)