Олимлар ноёб португалия капалагининг қайси турга тегишли эканлигини аниқлаш учун 22 йил сарфлади. Тур Ekboarmia miniaria номини олди. Бу ҳақда Nota Lepidopterologica нашрига асосланиб, «Газета.ru» маълум қилди.
Биринчи капалак 1995 йилда Лиссабон шаҳри жанубида топилган эди. Ўшанда олимлар капалакда Европадаги капалак турларига ўхшаш жиҳатларни топа олмаган ва натижада капалакни бирор турга киритиш имкони бўлмаган. 2009 йилда яна учта капалак ушланган. Биринчи капалак эркак жинсига, қолганлари эса аёл жинсига мансуб бўлган. Капалаклар қанотидаги нақшларнинг фарқи жинсий диморфизм ҳақида маълумот бериб, уларнинг жинсини аниқлашга имкон берган, 2015 йилда тадқиқотчилар капалаклар ДНКсини ўрганиб чиқиб, уларнинг Ekboarmia турига киришини аниқлашга муваффақ бўлди.
Тутилган капалаклар сонининг камлиги тадқиқотларга қўшимча қийинчилик туғдирди. Олимлар ҳаммаси бўлиб шу турдаги 11 та капалак топишга муваффақ бўлди. Олимлар кейинги тадқиқотлар капалакнинг келиб чиқиши ва ҳаёт тарзи ҳақида кўпроқ маълумот олишга имкон беради, деб ҳисобламоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)