Лас-Вегасдан Гавайи пойтахти Гонолулу шаҳрига учаётган Hawaiian Airlines компаниясига тегишли самолёт парвозни тўхтатишга мажбур бўлди. Бунга йўловчилардан бирининг ёпинчиқ учун 12 доллар тўлашдан бош тортгани сабаб бўлган. Бу ҳақда Associated Press нашрига таяниб, «РИА Новости» маълум қилди.
Ҳодиса самолёт парвози бошланганидан кейин кўп вақт ўтмай юз берган. 66 ёшли йўловчи борт кузатувчисидан самолёт салони салқин бўлгани сабабли ёпинчиқ сўраган. Борт кузатувчиси хизмат ҳақини айтганидан сўнг, жаҳли чиққан йўловчи уни авиакомпания вакили билан боғлашни талаб қилган.
Учувчи йўловчининг ўзини тутишини ақлсизлик деб ҳисоблаб, ҳаво кемасини ортга қайтарди. Самолёт Лос-Анжелес аэропортига қўнди. У ерда йўловчини полиция ва ФҚБ кутиб олди, бироқ сўроқдан кейин йўловчи қўйиб юборилган ва ўз манзилига бошқа рейс билан йўл олган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)