8 март — Халқаро хотин-қизлар байрами арафасида Instagram ва «ВКонтакте»да байрам фотосуратларини олиш истагидаги қизлар учун гулдасталарни ижарага бериш хизматлари пайдо бўлди, деб ёзади TJournal. Шунингдек, алоҳида тўлов эвазига тадбиркорлар дизайнерлик бутикларидан бўш пакетларни етказиб беришни ваъда қилмоқда.
Кўплаб сервисларнинг хизматлари бир-бирига ўхшаш: қизларга 101 та атиргулдан иборат гулдастани уйга етказиб бериш таклиф этилади, у ерда суратга тушиш учун уларга 10 дақиқа вақт берилади. Муаллифлар мижозларнинг шахси мутлақо сир тутилиши ҳақида кафолат беради.
Хизмат нархи 700 рубл (12 доллар)дан 1000 рубл (17 доллар)гача. Дизайнерлик пакети ёки қутичасини ижарага олиш эса ўртача 300 рубл (5 доллар)га тушади.
Изоҳ (0)