Жаҳон бокс серияси (WSB)нинг VII мавсум «C» гуруҳи 3-тури доирасида Ўзбекистоннинг Uzbek Tigers жамоаси Тошкентда Россиянинг Patriot Boxing Team боксчиларига қарши баҳс олиб бормоқда.
«Ўзбекистон» спорт мажмуасида бўлиб ўтаётган жангларнинг биринчисида -56 килограмм вазндаги боксчилар ўзаро баҳс олиб борди. Унда Ўзбекистон вакили Абдулҳай Шораҳматов россиялик Дмитрий Шарафутдиновни 3:0 ҳисобида ишончли тарзда енгди.
Мазкур беллашувдан сўнг Uzbek Tigers 1:0 ҳисобида олдинга чиқиб олди. Навбатдаги жанглар қуйидаги кўринишни олган:
-64 килограмм: Элнур Абдураимов — Радмир Абдураҳмонов
-75 килограмм: Исроил Мадримов — Ражаб Ражабов
+91 килограмм: Зуҳриддин Маҳкамов — Ислом Текеев
-49 килограмм: Ҳасанбой Дўстматов — Батор Сагалуев
Эстатиб ўтамиз, WSB доирасида Uzbek Tigers 2017 йил ҳисобидан иккита жанг ўтказиб, ҳар иккисида ҳам мағлуб бўлганди. Жамоа аввалига Хитойда China Dragons’дан 2:3 ҳисобида енгилган бўлса, кейинроқ Қозоғистонда Astana Arlans’га 1:4 ҳисобида имкониятни бой берганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)