Ғаниев ва Мередов Мирзиёевнинг Туркманистонга бўлғуси ташрифини муҳокама қилди
Ўзбекистон Ташқи иқтисодий алоқалар, инвестициялар ва савдо вазири Элёр Ғаниев Ашхободда Туркманистон ташқи ишлар вазири Рашид Мередов билан музокаралар ўтказди, дея хабар бермоқда UzDaily.
Элёр Ғаниев Ашхободга Ўзбекистон Республикаси Президентининг Туркманистонга ташрифига тайёргарлик кўриш учун келди.
Томонлар икки томонлама ҳамкорликнинг ҳозирги ҳолати ва истиқболлари юзасидан фикр алмашди. Улар сиёсий, савдо-иқтисодий ва маданий-гуманитар соҳалардаги ҳамкорлик масалаларини муҳокама қилди.
Элёр Ғаниев ва Рашид Мередов Ўзбекистон Республикаси Президенти Шавкат Мирзиёевнинг Туркманистонга бўлғуси ташрифига тайёргарлик билан боғлиқ масалаларни муҳокама қилди.
Хусусан, томонлар ушбу ташриф чоғида имзоланиши режалаштирилаётган икки томонлама ҳужжатлар пакетини кўриб чиқди.
Томонлар самарали ҳамкорликнинг ҳолати юзасидан қониқиш билдирди ҳамда ўзаро ҳурмат ва ишонч принципларига асосланган ўзаро манфаатли шерикликни янада кучайтириш заруриятини қайд этди.
