Копенгагеннинг икки «Мишлен» юлдузига эга бўлган Noma ресторани соҳиби даниялик бош ошпаз Рене Редзепи муассасанинг вақтинча ёпилишини маълум қилди. Редзепининг сўзларига қараганда, ресторан йил охирида янги жойда очилиб, «шаҳар фермаси» кўринишига эга бўлади. Бу ҳақда Meduza хабар бермоқда.
Шу билан бирга бош ошпаз рестораннинг янги эгаларини маълум қилди. Муассасанинг икки менежери, шунингдек, Noma’да 14 йил, яъни у очилгандан буён ишлаб келаётган идиш ювувчи Али Сонко рестораннинг янги соҳибларига айланди.
Али — Noma’нинг юраги ва қалби. Кишилар Алидек одам биз билан ишлаётганлигининг қадрига етади деб ўйламайман. У ҳар доим кулиб туради.Бош ошпазнинг қўшимча қилишича, унинг отасининг исми ҳам Али бўлган ва у ҳам Данияга келган пайтларда идиш ювувчи бўлиб ишлаган.Рене Редзепи, Noma ресторани бош ошпази
Редзепи келажакда бошқа ходимлар ҳам ресторан эгаларига айланишини маълум қилди.
Али Сонко 62 ёшда. У Гамбияда дунёга келган ва 12 нафар фарзанднинг отасидир.
«Дарё»нинг Telegram’даги расмий канали — @toshqindaryo’га аъзо бўлинг!