Айни пайтда «Ўзбекистон темир йўллари» акциядорлик компанияси ходимлари, Тошкент, Бухоро, Навоий, Учқудуқ ва Когондан келган мутахассислар самарқандлик ҳамкасблари билан биргаликда шаҳар кўчаларини биринчи трамвайлар ҳаракати учун тайёрламоқда. Бу ҳақда «Самаркандский вестник» нашри хабар берди. Электр токи устунлари ўрнатилмоқда, 600 киловатт доимий электр токи юкламасини кўтаришга қодир бўлган мис симлар тортилмоқда.
«Ҳозир ‘Ўзбекистон темир йўллари’ АКнинг 1-энергетика магистраллари унитар корхонасининг 7-участкаси ишчилари умумий узунлиги 34 километрдан зиёд бўлган мис кабелни ётқизмоқда, — деди участка иш юритувчиси Шаҳобиддин Муҳаммадиев. — Рудакий кўчаси бўйлаб шпаллар эндигина ётқизилаётган бўлса, Саттепо массивида Бухоро темир йўл усталари ўз ишини якунламоқда… Наврўз кунлари самарқандликлар ва шаҳар меҳмонлари йўлнинг биринчи бўлагида илк маротаба трамвайда сайр қилади».
Изоҳ (0)