Instagram’да битта постга бир йўла бир нечта суратни қўшиш имконини берувчи функция пайдо бўлди, деб ёзади TJournal. Бунгача бундай имконият фақат реклама берувчиларда бор эди.
Фотосуратлардан иборат галереяни чоп этиш учун бурчакда жойлашган кўк рангли иконкани босиш керак. Узоқ вақт босиб туриш орқали постдаги фото ёки видеолар тартибини ўзгартириш мумкин. Maтeриалларнинг барчасига битта фильтрни қўллаш ёки ҳар бирини алоҳида таҳрирлаш мумкин. Аммо геотег ва таъриф бутун пост учун битта бўлади.
Фойдаланувчи тасмасида галереяларни сурат ёки видео остидаги бир нечта нуқталар орқали билиб олиш мумкин. Профилни кўришда эса галереядаги ҳар битта сурат ёки видео алоҳида иконка сифатида акс этади.
Ушбу функциядан туғилган кунни нишонлаш давомида олинган суратларни ёки рецептлар суратларини қадам-бақадам жойлашда ҳам фойдаланиш мумкин.
Изоҳ (0)