Ҳафтасига тўланадиган 1 миллион фунт Уэйн Рунини Хитойга олиб кетиш арафасида

Mirror нашри маълумотига кўра, Англия миллий терма жамоаси сардори Уэйн Руни фаолиятини Хитой Супер лигасида давом эттиришга рози бўлган. Унга таклиф қилинаётган ҳафталик 1 миллион фунт «Манчестер Юнайтед» аъзосини февраль сўнггига қадар Хитойга олиб кетади.

Футболчининг ўзи қарор қабул қилиб бўлган бўлиб, унинг агенти Пол Стретфорд трансферга тайёргарлик ишлари билан банд. Агентнинг сўзларига кўра, Руни Бобби Чарлтоннинг рекордини янгиламагунича «Юнайтед»ни тарк этмоқчи эмасди. Эндиликда Уэйн «қизил иблислар»нинг энг яхши тўпурарига айланиб бўлди.

Мен бир ҳафтадан кейин шу ерда қоламанми ёки йўқ — аниқ айта олмайман. Шу боисдан ҳам қандай қилиб Рунининг келгуси тақдири ҳақида бир нарса дейишим мумкин? Буни футболчининг ўзидан сўраш керак.

Руни қачондир «Юнайтед»дан кетишни истаса, ишонингки, бу менинг қарорим билан амалга ошган эмас. Мен уни жамоада кўришдан мамнун бўламан ва кетишини истамайман.

Жозе Моуриньо, «Манчестер Юнайтед» бош мураббийи