Дастлаб АҚШ президенти Дональд Трампга тегишли бўлган Ferrari F430 спорт автомобили Auctions America кимошди савдосига қўйилди. Савдо уйи сайтида маълум қилинишича, дастлабки баҳолашларга кўра, суперкар савдоларда камида 250 минг долларга сотилади.
Трамп ҳашаматли қизил автомобилни 2007 йилда харид қилганлиги ва ундан тўрт йилга яқин фойдаланганлиги маълум қилинмоқда. Шундан сўнг машина бошқа эгасининг ихтиёрига ўтган.
«Президент Трамп ҳаётдаги ажойиб нарсаларни қадрлай олиши ҳеч кимга сир эмас ва бу Ferrari F430 ҳам бундан истисно эмас. Машина чиққан пайтда технологик жиҳатдан энг мукаммал спорт автомобилларидан бири бўлган», — дейилади кимошди сайдо уйи сайтида.
Суперкар босиб ўтган жами масофа олти минг милдан камроқ. Автомобиль яримавтомат трансмиссия ва 4,3 литрли мотор билан жиҳозланган.
Кимошди савдоси ташкилотчилари Ferrari учун 250 мингдан 350 минг долларгача ҳақ олишни режалаштирмоқда. Савдолар 2017 йилнинг 1 апрелида бошланади.
Изоҳ (0)