Ҳайдовчисиз пойга автомобили биринчи пойгасидаёқ ҳалокатга учради

Devbot ҳайдовчисиз автомобили ўзининг биринчи пойгасидаёқ аварияга учради, деб ёзади «Газета.ru».

Пойга Аргентина пойтахти Буэнос-Айресда бўлиб ўтди, унда иккита ҳайдовчисиз автомобиль қатнашди, улардан бири траекторияни нотўғри белгилади ва тўсиққа бориб урилди.

Иккинчи автомобиль эса 186 км/соат максимал тезликка эришгач, бутун трассани босиб ўтишга муваффақ бўлди.

Roborace ҳайдовчисиз автомобиллари пойгаси лойиҳасининг маркетинг бўлими раҳбари сўзларига кўра, авариянинг ижобий жиҳати ҳам бор, чунки энди ишлаб чиқувчилар дастур ишини таҳлил қила олади.

Ҳалокатга учраган автомобилни таъмирлаш мумкин, ҳайдовчилар йўқлиги туфайли эса, ҳодиса оқибатида ҳеч ким жабрланмади.