Toyota’нинг америкалик дилери ўз мижозига янги Tacoma пикапини совға қилди. Янги автоулов мижознинг 2000 йилги 988345 мил (қарийб 1,6 миллион километр) масофани босиб ўтган эски машинаси ўрнига берилди. Бу ҳақда Reddit нашрига таяниб, «Мотор» хабар берди.
Автомобилнинг кузови зарарланган, бироқ техник жиҳатдан у аъло даражада. Ўтган вақт давомида машинага жиддий зарар етмаган. Автомобилнинг алмаштирилган ягона қисми кардан вали бўлиб, у машина 600 минг мил (965 минг километр) масофани босиб ўтгандан сўнг алмаштирилган.
Автомобилнинг бошқа қисмлари янги ҳолатдагидек ишламоқда ва ҳеч қачон таъмирланмаган. Бундан ташқари, машина ҳар икки йилда зарарли моддалар чиқариш даражаси бўйича тестдан муваффақиятли ўтган.
Автомобилни 17 йил аввал сотган дилер уни тўлиқ қайта тиклаш ва ўзининг намойиш залига жойлаштиришни режалаштирмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)