Франция президентлигига номзод Марин Ле Пен бошга рўмол ўраш талаби сабаб Ливан муфтийси Шайх Абдул Латиф билан учрашувдан бош тортди. Бу ҳақда Meduza хабар бермоқда.
«Менинг ҳурматимни муфтий жанобларига етказиб қўйишингиз мумкин, лекин мен ўзимни яширмоқчи эмасман», — деди Ле Пен журналистлар билан учрашув чоғида.
Муфтийнинг матбуот хизматидагиларнинг маълум қилишича, диний нуқтаи назардан рўмол ўраш талаби ҳақида Ле Пен жамоаси учрашувдан етарлича аввал огоҳлантирилган эди.
Марин Ле Пен 20 февралдан бери ташриф билан Ливанда бўлиб турибди. У ҳозиргача Ливан президенти Мишель Аун билан учрашишга улгурди.
Марин Ле Пен «Миллий фронт» партияси етакчиси ҳисобланади. У биринчи тури 2017 йил апрелида бўлиб ўтадиган Франция президенти сайловининг асосий фаворитларидан бири саналмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)