Ўзбекистонда тиббиёт соҳаси ходимлари учун шанбаликлар бекор қилинди — уларнинг ўрнига энди якшанбаликлар жорий этилган, дея хабар бермоқда «Новости Узбекистана» нашри.
Нашрнинг Тошкент шаҳар Яшнобод тумани тиббиёт бирлашмаси бошлиғи ўринбосари Галина Дурмановага асосланиб ёзишича, «тиббиёт ходимлари иш вақти ҳудудларни тозалашга жалб этилмай қўйганига бир йилдан ошган». Дурманова хонимнинг фикрича, бундай мақсадлар учун дам олиш кунлари бор ва шифокорлар ўз ҳордиқ кунларида кўчаларни тозалаб қўйишлари «нормал ҳолат».
Шаҳар ва ўзинг ишлаб турган тиббиёт муассасаси атрофини озода қилиб қўйишнинг уятли жойи йўқ, деб ҳисоблайман. Ҳозир тиббиёт ходимлари ҳудудларни тозалашга, биринчидан, ҳар ҳафта чиқаётгани йўқ; иккинчидан эса, якшанбаликларга ҳамма бирдан эмас, балки навбатма-навбат чиқади.Мутахассиснинг сўзларига кўра, бунинг ҳеч кимга оғирлиги тушмайди, аксинча, ҳар кимда ўз иш жойига нисбатан ҳурмат ҳиссини уйғотади.Галина Дурманова, Яшнобод тумани тиббиёт бирлашмаси бошлиғи ўринбосари
«Бироқ аксарият фуқаролар — ҳам тиббиёт ходимлари, ҳам беморлар — бундай тадбирлар қай вақтда ташкил этилишидан қатъий назар, уларни номақбул деб ҳисоблайди. Тиббиёт ходимлари иш вақтида ишлаши, дам олиш кунлари эса дам олиши зарур. Ҳозирча эса фақат шанбаликларнинг номи ўзгарган бўлиб чиқяпти, холос», — деб вазиятга муносабат билдирган «Новости Узбекистана» нашри.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)