Сингапурда Ўзбекистон ва «Ўзбекистон ҳаво йўллари» миллий авиакомпанияси ҳақидаги махсус веб-саҳифа — «www.flyuzbek.com» ишга туширилди. Бу ҳақда Ўзбекистон ТИВ матбуот хизмати хабар бермоқда.
Сайтда Ўзбекистон, унинг маданияти, тарихи, анъаналари, меъморчилиги, табиати, миллий таомлари ҳамда шаҳарлари ва минтақалари тўғрисидаги маълумотлар тақдим этилган. Ҳар бир бўлим Ўзбекистоннинг туристик жозибадорлигини акс эттирувчи фотосуратлар билан бойитилган.
Портал орқали «Ўзбекистон ҳаво йўллари» самолётларининг учиш харитаси, авиачипталарни сотиб олишда таклиф қилинадиган қулайликлар тўғрисидаги маълумотларга эга бўлиш, шунингдек, авиакомпаниянинг Сингапурдаги бош агенти Aeeroworld Aviation’га Сингапур, Малайзия ва Индонезия ҳудудларида зарур ёрдам олиш учун мурожаат қилиш мумкин. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)