Ўзбекистон Республикасининг Кувайт давлатидаги Фавқулодда ва мухтор элчиси Баҳромжон Аълоев Кувайт амири шайх Сабоҳ ал-Жобир ал-Аҳмад ас-Сабоҳга ишонч ёрлиқларини топширди. Бу ҳақда Ўзбекистон ТИВ матбуот хизмати маълум қилди.
Суҳбат давомида шайх Сабоҳ ас-Сабоҳ Ўзбекистон Кувайтнинг минтақадаги дўстона, ишончли ва истиқболли ҳамкори эканлигини қайд этди. Ўзбекистон—Кувайт муносабатларини икки томонни қизиқтирган барча йўналишларда сифат жиҳатдан янги босқичга кўтаришга ўз ҳиссасини қўшишга тайёр эканлигини билдирди.
Шунингдек, Кувайт раҳбари 2017 йилнинг 7—10 февраль кунлари Ўзбекистон Республикаси ташқи ишлар вазири Абдулазиз Камиловнинг Ал-Кувайтга қилган расмий ташрифи аҳамиятига тўхталар экан, мазкур ташриф икки давлат ўртасидаги сиёсий мулоқотнинг янада мустаҳкамлаш, савдо-иқтисодий, инвестицион ва молиявий—техник ҳамкорликнинг кенгайишига хизмат қилишини таъкидлади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)