Францияда Ўзбекистон ҳақида ҳикоя қилувчи журналнинг илк сони нашрдан чиқди

Францияда «L’Ouzbekistan aujourd’hui» («Ўзбекистон бугун») журналининг биринчи сони чоп этилди. Бу ҳақда «Жаҳон» ахборот агентлиги хабар бермоқда.

Француз ва инглиз тилларида чоп этилган нашр ўқувчиларни Ўзбекистоннинг сиёсий, иқтисодий ва маданий ҳаётидаги воқеалар билан таништиради.

Хабар беришларича, журнал Франция ижимоий-сиёсий, академик, ишбилармон ва маданий доиралари вакиллари ҳамда халқаро ташкилотларда тарқатилган.

Журналга ким томонидан асос солинганига аниқлик киритилмаган, муассислари ким экани кўрсатилмаган. Журнал адади ҳақида ҳам ахборот берилмаган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.