Хитой жанубидаги Гуандун провинциясида минивэн ва юк машинаси иштирокидаги йўл-транспорт ҳодисасида олти киши ҳалок бўлди ва уч киши жабрланди, деб ёзади «РИА Новости» «Синьхуа» агентлигига таяниб.
Ҳодиса 12 февраль, якшанбага ўтар кечаси Мэйсянь уездидаги юқори тезликли трассада юз берди. Хабарларга кўра, туннеллардан бирида минивэн юк машинаси билан тўқнашиб, ёниб кетган.
Қутқарувчилар минивэндан олти кишининг жасадини топди, яна уч киши касалхонага ётқизилди.
Полиция фикрича, ЙТҲга микроавтобус ҳайдовчисининг толиққанлиги сабаб бўлган. 11 февраль, шанба куни эрталаб у қўшни Фуцзянь провинциясидаги Дунгуань шаҳридан Санминга рейсни амалга оширган ва шу куни кечасиёқ қайтиб келган.
Бундан ташқари, етти йўловчига мўлжалланган минивэнда тўққиз киши бўлган.
Изоҳ (0)