Туркия йиғинида иштирок этаётган Ўзбекистон миллий терма жамоаси кеча — 10 февраль куни Россия Премьер-лигаси вакили «Амкар» устидан зафар қучганди — 1:0. ЎФФ матбуот хизмати учрашувдан кейин ҳар икки томон бош мураббийларининг фикрларини тақдим этди.
«Амкар» билан Россия Премьер-лигасида 6-ўринни эгаллаб турган таниқли мутахассис Гажи Гажиев ўзбекистонликларнинг ғалабаси ҳақли эканини таъкидлади.
Натижа ҳаққоний, Ўзбекистон ҳақли ғалабага эришди.Рақиб бизга қараганда кўпроқ имкониятга эга бўлди ва қарши ҳужумларда ҳам фаолроқ кўринди. Терма жамоа ўйини яхши йўлга қўйилгани ва комбинацион футбол шакллангани кўриниб турибди.
Биз устунлик қилган томон эса жисмоний тайёргарлик бўлди. «Амкар» атлетик футбол намойиш қилган бўлса, рақиб техник томондан етилгани кўриниб турди.
Гажи Гажиев, «Амкар» бош мураббийи
Ўзбекистон миллий терма жамоаси бош мураббийи Самвел Бабаян эса шогирдларининг ўйинидан қониқиш ҳосил қилганини айтиб ўтди.
Расмий ўйинлар олдидан навбатдаги ўртоқлик ўйинини ўтказдик ва терма жамоа захирасини яна бир бор синаб кўриш имкониятига эга бўлдик. Шунингдек, ўйинчиларнинг жисмоний ҳолатини ҳам текширдик.Сўнгги ўртоқлик ўйинларида оптимал таркибни синаб кўриш имкониятига эга бўлмадик ва бу ўйинлар асосан захира кучимизни, термага потенциал номзодларни саралаб олишга имкон берарди.
Ҳужумда тўп сурган футболчиларимиз эса асосий таркиб аъзолари саналади. Уларнинг бугунги ҳаракатини кўздан кечириш биз учун муҳим эди. Мен футболчиларнинг бугунги ўйинидан қониқиш ҳосил қилдим. Натижа ва ўйин сифатидан ҳам.
Самвел Бабаян, Ўзбекистон МТЖ бош мураббийи
Изоҳ (0)