Ўзбекистон Президенти Шавкат Мирзиёев Сурхондарёга сафари давомида Шеробод туманида Олмалиқ кон-металлургия комбинати томонидан барпо этилаётган цемент заводи қурилиши билан танишди. Бу ҳақда ЎзА хабар бермоқда.
Қайд этишларича, тумандаги «Вандоб» қишлоқ фуқаролар йиғини ҳудудида бунёд этиладиган цемент заводи воҳада қурилиш саноатини замон талаблари даражасида ривожлантиришда муҳим аҳамият касб этади.
Лойиҳа қиймати 212,8 миллион доллар бўлган ушбу саноат корхонасида йилига 1,5 миллион тонна портландцемент ишлаб чиқариш кўзда тутилган.
Корхона ишга тушгач, бу ерда мингдан зиёд янги иш ўрни яратилади. Маҳсулотнинг асосий қисми ички талабни қондиришга йўналтирилади.
«Давлатимиз раҳбари ушбу завод нафақат вилоят, балки мамлакатимиз иқтисодиётида муҳим ўрин тутишини таъкидлади. Лойиҳачи ва қурувчилар билан суҳбатда қурилиш суръатларини жадаллаштириш, сифат ва муддатга алоҳида эътибор қаратиш зарурлиги қайд этилди», — дейилади ЎзА ахборотида.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)