Ўзбекистон Президенти Шавкат Мирзиёев Сурхондарёга сафари давомда Республика касаба уюшмалари федерацияси кенгашига қарашли «Термиз марвариди санаторияси»да амалга оширилаётган реконструкция ишлари билан танишди, дея хабар бермоқда ЎзА.
Учқизил сув омбори бўйидаги баҳаво ҳудудда жойлашган 140 ўринли ушбу сиҳатгоҳда беморлар физиотерапия ва маъданли сув, қум ва қуёш нурлари орқали даволанади.
Бугунги кунда 80 ўринли сиҳатгоҳ биноси тўлиқ реконструкция қилинди. Кейинги босқичда 60 ўринли янги бино қуриш ва уни замонавий тиббий ускуналар билан жиҳозлаш, қозонхоналарни модернизациялаш, ҳудудда болалар майдончаси, футбол, волейбол, баскетбол, қўл тўпи ва бошқа спорт турлари билан шуғулланишга мўлжалланган стадион ва майдончалар барпо этиш режалаштирилган.
«Давлатимиз раҳбари мутасаддиларга мазкур ҳудудда дам олиш комплекси қуриш бўйича зарур топшириқлар берди», — дейилади ЎзА ахборотида.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)