Архитектурада китоблардан ноодатий услубда фойдаланиш ички дизайн билан чегараланмайди. LiveLib нашри китоблардан ноодатий услубда фойдаланилган бино ва иншоотларнинг ажойиб фотожамланмасини тақдим қилди.
Китобли девор
Китобларнинг гўзаллиги ушбу баланд ғиштин уй билан аъло даражада ҳамоҳангликни ҳосил қилади.
Осмондаги китоблар
Китоблар Франциянинг Лион шаҳридаги шаҳар жамоат кутубхонасининг (La bibliothèque de la cité ) деворини безаб турибди.
Китоблар сизга маъқул томонга йўл бошлайди
Жамоат жойларидаги худди шундай зинапоялар сизни табассум қилишга мажбур қилади.
Бекатдаги мутолаа
АҚШнинг шимоли-ғарбидаги Портланд давлат университетининг автомобиль тўхташ жойини топиш жуда осон – бунинг учун «баҳайбат» китобларни излаш етарли.
Китобли уй
Китобларнинг ёрқин суратлари бу бинони сеҳрли жойга айлантиради.
Китоблар ҳар доим оғир дамда ёрдам беради
Шу китоблардан бирини ўқигингиз келиб қолса, нима қилган бўлар эдингиз?
Муаллақ китоблар
Ушбу арк дарвозасини безаб турган китоблар сизни ўзининг сеҳрли оламига таклиф қилади.
Ақлдан оздирувчи улкан китоблар
Канзас-Сити кутубхонаси улкан китоблар пештахтаси тасвири билан қопланган автомобиллар тураргоҳи билан машҳур ҳисобланади.
Китоблар ва бошқалар
Бу суратда улкан китоблар орасида юрган одамларни кўриш мумкин.
Сирли кутубхона
Бу кутубхонали фасад шу даражада ҳақиқий кўринадики, беихтиёр у томонга йўл оласиз.
Китоблар билан ҳаммаси яхши бўлади
Уй балконида жойлашган кичкина боғда китоблар гултуваклар билан ўзига хос манзарани вужудга келтирган.
Китоб оламига хуш келибсиз!
Франциянинг Экс-ан-Прованс шаҳрида жойлашган ушбу кутубхонанинг жозибадор кириш жойи сизни тантанали равишда ўзга оламга таклиф қилади.
Кечирасиз, менга юқоридаги китобни олиб бера олмайсизми?
Франциянинг Лион шаҳрида жойлашган ушбу китоб дўконининг кириш жойи китобларнинг ҳеч қачон жуда кўп бўлмаслигини ишончли равишда исботлайди.
Бундай саҳифаларни варақлаш учун неча киши керак?
Бу улкан китоблар АҚШнинг Миннесота штатида жойлашган Дулуц жамоат кутубхонасида жойлашган.
Агар менинг барча истакларимни йиғсак, ана шудай устун ҳосил бўлади
Германиянинг Франкфурт шаҳридаги кўчада тасвирланган бу китоб устунлари ҳеч қачон йиқилмайди.
Албатта, бу китоб дўкони!
АҚШнинг Юта штатидаги Прово шаҳрида жойлашган «Пионеер» китоб дўконининг олд томони китобсеварларни магнит каби ўзига тортади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)