Визажист блогерлар мунтазам равишда киприк ёпиштириш, кўзларни кетмайдиган бўёқда бўяш ёки қошларни бўяш тўғрисида маслаҳатлар бериб боради. Лекин бундай эксперимент натижаларини кетказиш тўғрисидаги маълумотлар жуда кам. Биз сиз учун макияжнинг ўзига хос хусусиятлари ҳақида кўп бериладиган саволларга жавобларни тўпладик.
Чўтка ва спонжлар қандай тозаланади?
Дўкондан махсус тозаловчи суюқлик сотиб олишингиз мумкин ёки юзингиз учун ишлатиладиган гидрофил ёғи ёрдамида тозалайсиз.
Ёпиштириладиган киприклардан қайта фойдаланиш мумкинми?
Дарсларда бу киприкларни қайта ишлатиш мумкинлиги тўғрисида кўп такрорлашади, лекин қандай ишлатиш ҳақида айтишмайди. Киприкларни эҳтиётлик билан ечиб олинг ва қотган елим изларидан яхшилаб тозаланг. Агар бу киприклар бўялган бўлса, уларни текис жойга қўйиб мицеллярли сувга ботирилган пахта ёрдамида эҳтиётлик билан артиб ташланг ва қутисига солиб қўйинг.
Қош бўёқлардан қандай тозаланади?
Бу муаммони цирка кислотаси ёки лимон шарбати ёрдамида ҳал этиш мумкин. Худди шу усул билан юздаги қорамтир рангли соч бўёқлари қолдирган изни ҳам кетказиш мумкин.
Ёқимсиз атир ҳидидан қандай қутулиш мумкин?
Совун ва сув, спирт, ҳидсиз ҳўл салфеткалар ёрдамида атир ҳидини бироз бўлса-да камайтириш мумкин. Лекин бутунлай қутулиш учун албатта душ ёрдам беради.
Изоҳ (0)