Илгари бувиларимиз шифобахш ўтлар, резавор мевалар ва бошқа ҳар хил ўсимликлардан тери, соч ва тирноқлар гўзаллиги учун фойдаланган. Замонавий технология бундай тажрибани илмий асослар билан бирлаштириб жуда фойдали маҳсулотлар ишлаб чиқариш имкониятини яратди. Ҳақиқатан ҳам органик косметика шунча фойдалими?
Кокос ёғининг фойдаси нимада?
Кокос ёғи таркибида қуритиш хусусиятига эга бўлган лаурин ёғ кислотаси мавжуд. Терини қуритишдан сақлаш мақсадида бу ёғдан узоқ вақт фойдаланиш тавсия қилинмайди.
Баъзи турдаги терилар учун кокос ёғининг ўрик ёки узум ёғи билан аралашмаси фойдали ҳисобланади.
Крем ўрнида ёғ ишлатиш мумкинми?
Кўпинча ёғлар қутисида намловчи таъсирга эга деган ёзувни учратамиз. Лекин, ёғлар намловчи хусусиятга эга эмаслигини билиб қўйган яхши. Ёғлар тери ичидаги намликни бир муддатга сақлаб туриш вазифасини бажаради.
Кремлар таркибидаги ёғ ва сув бирлаштирилгани учун самаралироқ таъсир қилиш хусусиятига эга.
Органик косметиканинг синтетик косметикадан фарқи нимада?
Органик косметика таркибида силикон ва парафинлар бўлмайди. Терида синтетик косметика таркибидаги сулфатларнинг тўпланиши оқибатида аллергия пайдо бўлади. Демак, ҳақиқатан ҳам табиий воситалар терини тўғри парваришлашга ёрдам беради.
Табиий косметикани қандай сақлаш керак?
Табиий моддалар оксидланиш хусусиятига эга бўлгани учун, яхшиси органик косметика воситаларини совитгичда сақлаганингиз маъқул.
Изоҳ (0)