Ўзбекистон Президенти Шавкат Мирзиёев 7 февраль куни Қозоғистон бош вазирининг биринчи ўринбосари Асқар Маминни «Дўстлик» ордени билан мукофотлаш тўғрисидаги фармонни имзолади. Бу ҳақда Ўзбекистон Ташқи ишлар вазирлиги матбуот хизмати хабар қилди.
Хабар беришларича, Асқар Мамин Ўзбекистон ва Қозоғистон ўртасидаги «кўп қиррали ўзаро манфаатли муносабатларни ривожлантиришдаги катта хизматлари, мамлакатлар ўртасида темирйўл транспорти соҳасидаги ҳамкорликни кенгайтириш ва чуқурлаштиришга қўшган шахсий ҳиссаси, шунингдек, минтақалараро аҳамиятга эга йирик лойиҳаларни амалга ошириш ва Марказий Осиё минтақасидаги халқаро транспорт коридорларини яратишда фаол иштирок этганлиги учун» мукофотланган.
Эслатиб ўтамиз, 2016 йилнинг сентябрида Асқар Мамин бошчилигидаги Қозоғистон ҳукумати делегацияси Ўзбекистонда бўлган, хусусан, Шавкат Мирзиёев билан музокаралар ўтказган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)