Тошкентнинг Шота Руставели кўчасида Grand Mir меҳмонхонаси ёнида жойлашган «Манас» ресторанида бугун, 7 февраль куни содир бўлган кучли ёнғин қўшни турар жой биносига ҳам зарар етказди. Бу ҳақда UZ24 хабар бермоқда.
Нашрнинг Яккасарой тумани ёнғин хавфсизлигини таъминлаш бўлимига таяниб хабар беришича, ёнғин соат 10:41 да бошланган. Ёнғинни бартараф этиш учун ўт ўчириш ходимлари зудлик билан ҳодиса жойига етиб борган.
Хабарда қайд этилишича, ёнғин ресторанга қўшни икки қаватли турар жой биносига ҳам ўтган. Бу вақтда ҳодисага яқин бўлган Гранд бизнес-марказида чироқ ўчирилган.
Аланга кучлилигидан, унинг тутунини Тошкентнинг кўплаб ҳудудларидан пайқаш мумкин бўлди. Ҳодисада қурбон бўлганлар ва жароҳат олганлар ҳақида ҳозирча маълумот йўқ.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)