Ўзбекистон миллий терма жамоаси бош мураббийи Самвел Бабаян Туркия йиғинида иштирок этадиган футболчилар номига ойдинлик киритди. Тайёргарлик режаси ФИФА кунларидан бошқа саналарга тўғри келгани учун Бабаян легионер футболчилар хизматидан фойдалана олмайди.
8—12 февраль куни бўлиб ўтадиган йиғинга узоқ танаффусдан кейин «Локомотив» ярим ҳимоячиси Икром Алибоев ҳам чақирилган. У сўнгги бор Миржалол Қосимов бош мураббийлиги вақтида бош жамоага таклиф этилганди.
Самвел Бабаян Алибоевни Рио—2016 учун кураш олиб бориши керак бўлган таркибга киритган бўлса-да, Қатарда бўлиб ўтган мусобақада етарли даражада имконият бермаганди. Орадан бир йил ўтиб мутахассис Алибоевга яна оғиз солди.
Бош мураббий, шунингдек, «Бунёдкор» ҳимоячилари Рустам Ашурматов ҳамда Акром Комилов, «Локомотив» ҳимоячиси Бобур Йўлдошев, «Насаф»нинг Осиё Чемпионлар лигаси ўйинида ўзини кўрсатган 19 ёшли Азиз Ғаниев каби футболчиларни ҳам Туркияга таклиф қилган. «Обод»нинг «Пахтакор»га ўтиши мумкинлиги хабар қилинган ҳужумчиси Шоҳруз Норхонов ҳам эътибордан четда қолиб кетмаган.
Ўзбекистон термаси таркиби
ДарвозабонларИгнатий Нестеров — «Локомотив»Элдор Суюнов — «Насаф»Александр Лобанов — «Пахтакор»ҲимоячиларБобур Йўлдошев — «Локомотив»Ислом Тўхтахўжаев — «Локомотив»Акрам Комилов — «Бунёдкор»Рустам Ашурматов — «Бунёдкор»Одил Ҳамробеков — «Насаф»Азим Аҳмедов — «Пахтакор»Владимир Козак — «Пахтакор»Даврон Ҳошимов — «Пахтакор»Станислав Андреев — «Пахтакор»
Ярим ҳимоячиларЖалолиддин Машарипов — «Локомотив»Марат Бикмаев — «Локомотив»Икром Алибоев — «Локомотив»Саламат Қуттибоев — «Локомотив»Достон Ҳамдамов — «Бунёдкор»Отабек Шукуров — «Бунёдкор»Элдор Шомуродов — «Бунёдкор»Азиз Ғаниев — «Насаф»Жавоҳир Соҳибов — «Пахтакор»Жамшид Искандеров — «Пахтакор»
ҲужумчиларИгорь Сергеев — «Пахтакор»Шоҳруз Норхонов — «Обод».
Маълумот учун, Ўзбекистон миллий терма жамоаси Туркияда ўзга давлат термасига қарши ўйнай олмайди. Бу борадаги ягона рақиб Арманистон мамлакатдаги беқарор вазият сабаб ўз йиғинини Туркияда олиб бормасликка қарор қилган.
Шу боисдан Самвел Бабаян жамоаси Россия ва Арманистон чемпионатларида иштирок этадиган клубларга қарши саф тортади. 10 февраль куни Россия Премьер-лигаси вакили «Амкар», 11 февралда эса Арманистоннинг «Алашкерт» жамоаси ўзбекистонликларга рақиб бўлади.
Изоҳ (0)