Бугун,

  • USD 10940.05
  • RUB 182.26
  • EUR 11121.65

Ўзбекистон маданият ва спорт ишлари вазири Баҳодир Аҳмедов Тошкентга ташриф буюрган Қирғизистон маданият ва санъат соҳаси вакиллари билан учрашди. Бу ҳақда вазирлик ахборот хизмати хабар бермоқда.

Фото: Маданият ва спорт ишлари вазирлиги

Фото: Маданият ва спорт ишлари вазирлиги

Учрашувда Қирғизистоннинг Ўзбекистондаги элчихонаси масъул ходими Жипара Қурбанова, Ўш шаҳар маданият бошқармаси бошлиғи Тўпчубай Дўсбаев, Бобур номидаги Ўш давлат ўзбек мусиқали академик драма театри директори Набижон Мамажонов, театр бош режиссёри Зокир Шокиров ва «Ўш-ТВ»нинг молиявий директори Дилмурод Ишанов қатнашган.

Хабар беришларича, айни вақтда икки мамлакат маданият ва санъат вакиллари ўртасида ижодий ҳамкорликни йўлга қўйиш бўйича мақсадли ишлар бошлаб юборилган. Хусусан, тарихий мавзуда спектакл яратиш бўйича ижодий маслаҳатлар, саҳна жиҳозлари, саҳна либослари, чизмалар, лойиҳалар ишлаб чиқилган.

Фото: Маданият ва спорт ишлари вазирлиги

Фото: Маданият ва спорт ишлари вазирлиги

Меҳмонлар Тошкент театрларига саёҳат уюштириб, яратилган шарт-шароитлар билан яқиндан танишган. Қирғизистон делегацияси ташриф доирасида Ўзбекистон бош вазири ўринбосари Адҳам Икромов билан ҳам учрашган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.

Изоҳ
Асосий янгиликлар