Ди Каприо Дубайда антиқа услубда стейк тайёрлайдиган турк ошпази меҳмони бўлди

Леонардо Ди Каприо тармоқда гўштнинг катта бўлаги — стейкни моҳирона тузлаши билан донг қозонган турк Нусрат Гўкча ресторанига ташриф буюрди. Бу ҳақда ошпазнинг ўзи Instagram’да ҳикоя қилди.

Сурат Гўкчанинг Дубайдаги ресторанида олинган. Фото остидаги изоҳда ошпаз ресторанида «Оскар» мукофоти соҳиби бўлганини билдирган.

Фотода Гўкче ўзининг машҳур услуби — гўштнинг катта бўлагига туз сепаётган, Ди Каприо эса бу ҳаракатларни кузатаётган ҳолат акс этган.

Турк ошпази ижтимоий тармоқ фойдаланувчиларини стейкни майдалашнинг бетакрор услуби билан ўзига ром этди. Гўштни тортишдан аввал у қўлини боши даражасигача кўтариб, таомга туз ва зираворлар сепади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.