Япония юк кемасининг Ер орбитасини чиқиндидан тозалашга биринчи уриниши муваффақиятсизликка учради

Япония «Конотори-6» учувчисиз юк кемасининг Ер орбитасини космик чиқиндидан тозалашга биринчи уриниши муваффақиятсизликка учради. Бу ҳақда 31 январь, сешанба куни NHK телевидениеси маълум қилди, деб ёзади «ТАСС».

Чиқиндини тозалаш бўйича тажриба ўтказишга муваффақиятсиз уриниш 28 январь куни юз берди. Халқаро космик станциядан ажралиб чиққан «Конотори-6» электр разрядлари ўтувчи 700 метрлик махсус қувурларни чиқара олмади. Мазкур қувурлар Ернинг магнит майдони билан ўзаро боғланиш орқали космик кемага атмосферага кириш ва ундан чиқиш имконини беради. Шунингдек, кеманинг тўхташига ёрдам беради.

Орбитани чиқиндилардан тозалаш бўйича кейинги уриниш 4 февралга қадар амалга оширилиши кутилмоқда.

БМТ экспертларининг баҳолашича, Ер сайёраси устида жами вазни 5000 тоннагача бўлган 300 мингга яқин турли фойдаланилмайдиган сунъий объект айланиб турибди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.