Қайта ишланган қоғоздан велосипед ишлаб чиқилди (фото)

Urban GC1– қайта ишланган қоғоздан тайёрланган велосипед. Яратувчиларнинг сўзларига кўра, улар шаҳар бўйлаб ҳаракатланиш имконини берувчи экологик транспорт яратишга ҳаракат қилди.  Бу ҳақда «Vc.ru» хабар берди.

Велосипед қайта ишланган полиэстер билан қопланган, шунинг ҳисобига велосипед ёмғирда нам тортмайди. Транспорт воситаси смартфонлар учун экологик ғилоф билан биргаликда, махсус усулда лойиҳалаштирилган қадоқда етказиб берилади. Бу қадоқни қайта ишлатиш ёки бирор фойдали нарсага айлантириш мумкин (ишлаб чиқарувчилар велосипедни етказиб берган вақтда қадоқни ишлатиш бўйича қўлланма қўшиб берилади).

Urban GC1’нинг яратувчилари бўлган мексикалик жамоа велосипеднинг биринчи гуруҳини ишлаб чиқариш учун Kickstarter сайтида маблағ йиғмоқда. Ишлаб чиқарувчиларнинг қайд этишича, суратда велосипеднинг қўлда тайёрланган намунаси тақдим этилган, дизайннинг сўнгги кўриниши бундан фарқ қилади.

Компания велосипедни етказиб беришни 2017 йилда бошлашни режалаштирмоқда. Велосипеднинг нархи камида 100 доллар туради.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.