Англия кубогининг 1/16 финали доирасидаги 12 та беллашув ўз якунига етди. Шуларнинг фақатгина 1 тасида дуранг қайд этилди. Натижада «Лестер» қуйи лига клубига қарши такрорий ўйинда майдонга тушадиган бўлди.
Мазкур босқичнинг энг қизиқарли ўйинини «Тоттенҳэм» ва «Уиком Уондерс» клуби футболчилари ташкил қилиб берди. Меҳмонлар биринчи бўлимда иккита гол фарқи билан олдинга чиқиб олган бўлса-да, якунда Англия чемпионлиги учун кураш олиб бораётган «шпорлар» 4 та гол уришга муваффақ бўлди. Шуларнинг 2 таси Ўзбекистон миллий терма жамоасининг ЖЧ—2018 йўлидаги рақиби аъзоси Сон Хён Мин томонидан урилди.
Англия кубогининг энг сенсацион натижаларидан бири «Энфилд»да қайд этилди. Мамлакат Лига кубогининг кетма-кет икки ўйинида «Саутгемптон»га имкониятни бой берган «Ливерпуль», бу сафар мамлакат кубогидан ҳам учирма бўлди. Юрген Клопп жамоаси энди фақатгина Премьер-лига соврини билан чекланиши мумкин холос.
«Бёрнли»га қарши ўйиндаги хулқидан кейин «Арсенал» бош мураббийи Арсен Венгер 4 та ўйинга дисквалификация қилинганди. Бу ҳолат «тўпчилар»га манзур келиб, «Арсенал» сафарда «Саутгемптон» устидан йирик ғалаба билан зафар қучди. Буни Лига кубогидаги мағлубият алами дейиш ҳам мумкин. Ўшанда «Саутгемптон» лондонликлар дарвозасига жавобсиз 2 та гол уришга муваффақ бўлганди.
«Челси» ва «Манчестер Сити» каби етакчилар рақибларига имконият қолдирмади. Кучли олтиликнинг сўнгги аъзоси «Манчестер Юнайтед» бугун — 29 январь куни майдонга тушади.
Англия кубоги 1/16 финал 27 январь, жума
«Дерби Каунти» — «Лестер» 2:2
Голлар: Даррен Бент, 8-авт (0:1). Даррен Бент, 21 (1:1). Крейг Брайсон, 40 (2:1). Уэс Морган, 86 (2:2).28 январь, шанба
«Ливерпуль» — «Вулверҳемптон» 1:2
Голлар: Ричард Стирмен, 1 (0:1). Андреас Вайман, 41 (0:2). Дивок Ориги, 86 (1:2).«Тоттенҳэм» — «Уиком Уондерс» 4:3
Голлар: Пол Хейс, 23 (0:1). Пол Хейс, 36-пен (0:2). Сон Хён Мин, 60 (1:2). Винсент Янссен, 64-пен (2:2). Ҳарри Томпсон, 83 (2:3). Деле Алли, 89 (3:3). Сон Хён Мин, 90+7 (4:3).«Мидлсбро» — «Аккрингтон Стенли» 1:0
Гол: Стюарт Даунинг, 69 (1:0).«Бёрнли» — «Бристол Сити» 2:0
Голлар: Сэм Воукс, 45 (1:0). Стивен Дефур, 68 (2:0).«Кристал Пэлас» — «Манчестер Сити» 0:3
Голлар: Раҳим Стерлинг, 43 (0:1). Лерой Сане, 71 (0:2). Яя Туре, 90+2 (0:3).«Челси» — «Брентфорд» 4:0
Голлар: Виллиан, 14 (1:0). Педро Родригес, 21 (2:0). Бранислав Иванович, 69 (3:0). Миши Батшуайи, 81-пен (4:0).«Саутгемптон» — «Арсенал» 0:5
Голлар: Дэнни Уэлбек, 15 (0:1). Дэнни Уэлбек, 22 (0:2). Тео Уолкотт, 35 (0:3). Тео Уолкотт, 69 (0:4). Тео Уолкотт, 84 (0:5).29 январь, якшанба«Миллуолл» — «Уотфорд»«Фулҳэм» — «Халл Сити»«Манчестер Юнайтед» — «Уиган Атлетик»
Изоҳ (0)