Angliya kubogining 1/16 finali doirasidagi 12 ta bellashuv o‘z yakuniga yetdi. Shularning faqatgina 1 tasida durang qayd etildi. Natijada “Lester” quyi liga klubiga qarshi takroriy o‘yinda maydonga tushadigan bo‘ldi.
Mazkur bosqichning eng qiziqarli o‘yinini “Tottenhem” va “Uikom Uonders” klubi futbolchilari tashkil qilib berdi. Mehmonlar birinchi bo‘limda ikkita gol farqi bilan oldinga chiqib olgan bo‘lsa-da, yakunda Angliya chempionligi uchun kurash olib borayotgan “shporlar” 4 ta gol urishga muvaffaq bo‘ldi. Shularning 2 tasi O‘zbekiston milliy terma jamoasining JCh—2018 yo‘lidagi raqibi a’zosi Son Xyon Min tomonidan urildi.
Angliya kubogining eng sensatsion natijalaridan biri “Enfild”da qayd etildi. Mamlakat Liga kubogining ketma-ket ikki o‘yinida “Sautgempton”ga imkoniyatni boy bergan “Liverpul”, bu safar mamlakat kubogidan ham uchirma bo‘ldi. Yurgen Klopp jamoasi endi faqatgina Premyer-liga sovrini bilan cheklanishi mumkin xolos.
“Byornli”ga qarshi o‘yindagi xulqidan keyin “Arsenal” bosh murabbiyi Arsen Venger 4 ta o‘yinga diskvalifikatsiya qilingandi. Bu holat “to‘pchilar”ga manzur kelib, “Arsenal” safarda “Sautgempton” ustidan yirik g‘alaba bilan zafar quchdi. Buni Liga kubogidagi mag‘lubiyat alami deyish ham mumkin. O‘shanda “Sautgempton” londonliklar darvozasiga javobsiz 2 ta gol urishga muvaffaq bo‘lgandi.
“Chelsi” va “Manchester Siti” kabi yetakchilar raqiblariga imkoniyat qoldirmadi. Kuchli oltilikning so‘nggi a’zosi “Manchester Yunayted” bugun — 29-yanvar kuni maydonga tushadi.
Angliya kubogi 1/16 final 27-yanvar, juma
“Derbi Kaunti” — “Lester” 2:2
Gollar: Darren Bent, 8-avt (0:1). Darren Bent, 21 (1:1). Kreyg Brayson, 40 (2:1). Ues Morgan, 86 (2:2).28-yanvar, shanba
“Liverpul” — “Vulverhempton” 1:2
Gollar: Richard Stirmen, 1 (0:1). Andreas Vayman, 41 (0:2). Divok Origi, 86 (1:2).“Tottenhem” — “Uikom Uonders” 4:3
Gollar: Pol Xeys, 23 (0:1). Pol Xeys, 36-pen (0:2). Son Xyon Min, 60 (1:2). Vinsent Yanssen, 64-pen (2:2). Harri Tompson, 83 (2:3). Dele Alli, 89 (3:3). Son Xyon Min, 90+7 (4:3).“Midlsbro” — “Akkrington Stenli” 1:0
Gol: Styuart Dauning, 69 (1:0).“Byornli” — “Bristol Siti” 2:0
Gollar: Sem Vouks, 45 (1:0). Stiven Defur, 68 (2:0).“Kristal Pelas” — “Manchester Siti” 0:3
Gollar: Rahim Sterling, 43 (0:1). Leroy Sane, 71 (0:2). Yaya Ture, 90+2 (0:3).“Chelsi” — “Brentford” 4:0
Gollar: Villian, 14 (1:0). Pedro Rodriges, 21 (2:0). Branislav Ivanovich, 69 (3:0). Mishi Batshuayi, 81-pen (4:0).“Sautgempton” — “Arsenal” 0:5
Gollar: Denni Uelbek, 15 (0:1). Denni Uelbek, 22 (0:2). Teo Uolkott, 35 (0:3). Teo Uolkott, 69 (0:4). Teo Uolkott, 84 (0:5).29-yanvar, yakshanba“Milluoll” — “Uotford”“Fulhem” — “Xall Siti”“Manchester Yunayted” — “Uigan Atletik”
Izoh (0)